ಯಜುರ್ವೇದ ಕಾಣ್ವಶಾಖಾ ಪ್ರಥಮೋಽಧ್ಯಾಯಃ

शुक्लयजुर्वेद काण्वशाखा – Shukla Yajurveda Kanva Shakha

ಅಥ ಪ್ರಥಮೋ ದಶಕಃ।
ಅಥ ಪ್ರಥಮೋಽಧ್ಯಾಯಃ।

॥ಓ೩ಮ್॥ ಇ॒ಷೇ ತ್ವೋ॒ರ್ಜೇ ತ್ವಾ॑ ವಾ॒ಯವ॑ ಸ್ಥ।
ದೇ॒ವೋ ವಃ॑ ಸವಿ॒ತಾ ಪ್ರಾರ್ಪ॑ಯತು॒ ಶ್ರೇಷ್ಠ॑ತಮಾಯ॒ ಕರ್ಮ॑ಣೇ॥೧॥ ೧

ಆಪ್ಯಾ॑ಯಧ್ವಮಘ್ನ್ಯಾ॒ ಇನ್ದ್ರಾ॑ಯ ಭಾ॒ಗಂ ಪ್ರ॒ಜಾವ॑ತೀರನಮೀ॒ವಾ ಅ॑ಯ॒ಕ್ಷ್ಮಾಃ।
ಮಾ ವ॑ ಸ್ತೇ॒ನ ಈ॑ಶತ॒ ಮಾಘಶ॑ꣳ ಸಃ ॥೨॥ ೨

ಧ್ರು॒ವಾ ಅ॒ಸ್ಮಿನ್ ಗೋಪ॑ತೌ ಸ್ಯಾತ ಬ॒ಹ್ವೀಃ।
ಯಜ॑ಮಾನಸ್ಯ ಪ॒ಶೂನ್ ಪಾ॑ಹಿ॒ ವಸೋಃ॑ ಪ॒ವಿತ್ರ॑ಮಸಿ ॥೩॥(೧) ೩

ದ್ಯೌರ॑ಸಿ ಪೃಥಿ॒ವ್ಯ॑ಸಿ ಮಾತ॒ರಿಶ್ವ॑ನೋ ಘ॒ರ್ಮೋ॑ಽಸಿ।
ವಿ॒ಶ್ವಧಾಃ॑ ಪರ॒ಮೇಣ॒ ಧಾಮ್ನಾ॑॥೧॥ ೪

ದೃꣳಹ॑ಸ್ವ ಮಾ ಹ್ವಾ॒ರ್ಮಾ ತೇ॑ ಯ॒ಜ್ಞಪ॑ತಿರ್ಹ್ವಾರ್ಷೀತ್ ।
ವಸೋಃ॑ ಪ॒ವಿತ್ರ॑ಮಸಿ ಶ॒ತಧಾ॑ರಂ॒ ವಸೋಃ॑ ಪ॒ವಿತ್ರ॑ಮಸಿ ಸ॒ಹಸ್ರ॑ಧಾರಮ್ ॥೨॥ ೫

ದೇ॒ವಸ್ತ್ವಾ॑ ಸವಿ॒ತಾ ಪು॑ನಾತು॒ ವಸೋಃ॑ ಪ॒ವಿತ್ರೇ॑ಣ ಶ॒ತಧಾ॑ರೇಣ।
ಸು॒ಪ್ವಾ॒ ಕಾಮ॑ಧುಕ್ಷಃ ॥ ೩॥ ೬

ಸಾ ವಿ॒ಶ್ವಾಯುಃ॒ ಸಾ ವಿ॒ಶ್ವಕ॑ರ್ಮಾ॒ ಸಾ ವಿ॒ಶ್ವಧಾ॑ಯಾಃ।
ಇನ್ದ್ರ॑ಸ್ಯ ತ್ವಾ ಭಾ॒ಗꣳ ಸೋಮೇ॒ನಾತ॑ನಕ್ಮಿ॒ ವಿಷ್ಣೋ॑ ಹ॒ವ್ಯꣳ ರ॑ಕ್ಷಸ್ವ ॥೪॥(೨) ೭

ಅಗ್ನೇ॑ ವ್ರತಪತೇ ವ್ರ॒ತಂ ಚ॑ರಿಷ್ಯಾಮಿ॒ ತಚ್ಛ॑ಕೇಯಂ॒ ತನ್ಮೇ॑ ರಾಧ್ಯತಾಮ್ ।
ಇ॒ದಮ॒ಹಮನೃ॑ತಾತ್ ಸ॒ತ್ಯಮುಪೈ॑ಮಿ॥೧॥ ೮

ಕಸ್ತ್ವಾ॑ ಯುನಕ್ತಿ॒ ಸ ತ್ವಾ॑ ಯುನಕ್ತಿ॒ ಕಸ್ಮೈ॑ ತ್ವಾ ಯುನಕ್ತಿ॒ ತಸ್ಮೈ॑ ತ್ವಾ ಯುನಕ್ತಿ ।
ಕರ್ಮ॑ಣೇ ವಾಂ॒ ವೇಷಾ॑ಯ ವಾಮ್ ॥೨॥ ೯

ಪ್ರತ್ಯು॑ಷ್ಟ॒ꣳ ರಕ್ಷಃ॒ ಪ್ರತ್ಯು॑ಷ್ಟಾ॒ ಅರಾ॑ತಯೋ॒ ನಿಷ್ಟ॑ಪ್ತ॒ ರಕ್ಷೋ॒ ನಿಷ್ಟ॑ಪ್ತಾ॒ ಅರಾ॑ತಯಃ ।
ಉ॒ರ್ವ॒ನ್ತರಿ॑ಕ್ಷ॒ಮನ್ವೇ॑ಮಿ॥೩॥ ೧೦

ಧೂರ॑ಸಿ॒ ಧೂರ್ವ॒ ಧೂರ್ವ॑ನ್ತಂ॒ ಧೂರ್ವ॒ ತಂ ಯೋ॒ಸ್ಮಾನ್ ಧೂರ್ವ॑ತಿ।
ಧೂರ್ವ॒ ತಂ ಯಂ ವ॒ಯಂ ಧೂರ್ವಾ॑ಮಃ ॥೪॥೧೧॥

ದೇ॒ವಾನಾ॑ಮಸಿ॒ ಸಸ್ನಿ॑ತಮಂ॒ ವಹ್ನಿ॑ತಮಂ॒ ಪಪ್ರಿ॑ತಮಂ॒ ಜುಷ್ಟ॑ತಮಂ ದೇವ॒ಹೂತ॑ಮಮ್।
ಅಹ್ರು॑ತಮಸಿ ಹವಿ॒ರ್ಧಾನಂ॒ ದೃಹ॑ಸ್ವ॒ ಮಾ ಹ್ವಾ॒ರ್ಮಾ ತೇ॑ ಯ॒ಜ್ಞಪ॑ತಿರ್ಹ್ವಾರ್ಷೀತ್ ॥೫॥ ೧೨

ವಿಷ್ಣು॑ಸ್ತ್ವಾ ಕ್ರಮತಾಮು॒ರು ವಾತಾ॒ಯಾಪ॑ಹತ॒ ರಕ್ಷೋ॒ ಯಚ್ಛ॑ನ್ತಾಂ॒ ಪಞ್ಚ॑।
ದೇ॒ವಸ್ಯ॑ ತ್ವಾ ಸವಿ॒ತುಃ ಪ್ರ॑ಸ॒ವೇ॒ಶ್ವಿನೋ॑ರ್ಬಾ॒ಹುಭ್ಯಾಂ॑ ಪೂ॒ಷ್ಣೋ ಹಸ್ತಾ॑ಭ್ಯಾಮ್ ॥೬॥ ೧೩

ಅ॒ಗ್ನಯೇ॒ ಜುಷ್ಟಂ॑ ಗೃಹ್ಣಾಮ್ಯ॒ಗ್ನೀಷೋಮಾ॑ಭ್ಯಾಂ॒ ಜುಷ್ಟಂ॑ ಗೃಹ್ಣಾಮಿ।
ಭೂ॒ತಾಯ॑ ತ್ವಾ॒ ನಾರಾ॑ತಯೇ॒ ಸ್ವ॑ರಭಿ॒ವಿಖ್ಯೇ॑ಷಮ್॥೭॥೧೪॥(೧೪)

ದೃꣳಹ॑ನ್ತಾಂ॒ ದುರ್ಯಾಃ॑ ಪೃಥಿ॒ವ್ಯಾಮು॒ರ್ವ॒ನ್ತರಿ॑ಕ್ಷ॒ಮನ್ವೇ॑ಮಿ।
ಪೃ॒ಥಿ॒ವ್ಯಾಸ್ತ್ವಾ॒ ನಾಭೌ॑ ಸಾದಯಾ॒ಮ್ಯದಿ॑ತ್ಯಾ ಉ॒ಪಸ್ಥೇ॑।
ಅಗ್ನೇ॑ ಹ॒ವ್ಯರ॑ಕ್ಷಸ್ವ॥೮॥(೩) ೧೫

ಪ॒ವಿತ್ರೇ॑ ಸ್ಥೋ ವೈಷ್ಣ॒ವ್ಯೌ॑ ಸ॑ವಿ॒ತುರ್ವಃ॑ ಪ್ರಸ॒ವ ಉತ್ಪು॑ನಾ॒ಮಿ।
ಅಛಿ॑ದ್ರೇಣ ಪ॒ವಿತ್ರೇ॑ಣ॒ ಸೂರ್ಯ॑ಸ್ಯ ರ॒ಶ್ಮಿಭಿಃ॑॥೧॥ ೧೬

ದೇವೀ॑ರಾಪೋ ಅಗ್ರೇಗುವೋ ಅಗ್ರೇಪುವಃ।
ಅಗ್ರ॑ ಇ॒ಮಮ॒ದ್ಯ ಯ॒ಜ್ಞಂ ನ॑ಯತ ಸು॒ಧಾತುಂ॑ ಯ॒ಜ್ಞಪ॑ತಿಂ ದೇವಾ॒ಯುವ॑ಮ್॥೨೧॥೭॥

ಯು॒ಷ್ಮಾ ಇನ್ದ್ರೋ॑ಽವೃಣೀತ ವೃತ್ರ॒ತೂರ್ಯೇ॑ ಯೂ॒ಯಮಿನ್ದ್ರ॑ಮವೃಣೀಧ್ವಂ ವೃತ್ರ॒ತೂರ್ಯೇ॒ ಪ್ರೋಕ್ಷಿ॑ತಾ ಸ್ಥ ।
ಅ॒ಗ್ನಯೇ॑ ತ್ವಾ॒ ಜುಷ್ಟಂ॒ ಪ್ರೋಕ್ಷಾ॑ಮ್ಯ॒ಗ್ನೀಷೋಮಾ॑ಭ್ಯಾಂ ತ್ವಾ॒ ಜುಷ್ಟಂ॒ ಪ್ರೋಕ್ಷಾ॑ಮಿ॥೩॥ ೧೮

ದೈ॑ವ್ಯಾಯ॒ ಕರ್ಮ॑ಣೇ ಶುನ್ಧಧ್ವಂ ದೇವಯ॒ಜ್ಯಾಯೈ॑।
ಯದ್ವೋಽಶು॑ದ್ಧಃ ಪರಾಜ॒ಘಾನೈ॒ತದ್ವ॒ಸ್ತಚ್ಛು॑ನ್ಧಾಮಿ॥೪॥(೪) ೧೯

ಶರ್ಮಾ॒ಸ್ಯವ॑ಧೂತ॒ꣳ ರಕ್ಷೋಽವ॑ಧೂತಾ॒ ಅರಾ॑ತಯಃ।
ಅದಿ॑ತ್ಯಾ॒ಸ್ತ್ವಗ॑ಸಿ॒ ಪ್ರತಿ॒ ತ್ವಾದಿ॑ತಿರ್ವೇತ್ತು॥೧॥ ೨೦

ಅದ್ರಿ॑ರಸಿ ವಾನಸ್ಪ॒ತ್ಯೋ ಗ್ರಾವಾ॑ಸಿ ಪೃ॒ಥುಬು॑ಧ್ನಃ।
ಪ್ರತಿ॒ ತ್ವಾದಿ॑ತ್ಯಾ॒ಸ್ತ್ವಗ್ವೇ॑ತ್ತು॥೨॥ ೨೧

ಅ॒ಗ್ನೇಸ್ತ॒ನೂರ॑ಸಿ ವಾ॒ಚೋ ವಿ॒ಸರ್ಜ॑ನಮ್।
ದೇ॒ವವೀ॑ತಯೇ ತ್ವಾ ಗೃಹ್ಣಾಮಿ॥೩॥ ೨೨

ಬೃ॒ಹನ್ ಗ್ರಾವಾ॑ಸಿ ವಾನಸ್ಪ॒ತ್ಯಃ ಸ ಇ॒ದಂ ದೇ॒ವೇಭ್ಯಃ॑।
ಹ॒ವ್ಯ ಶ॑ಮೀಷ್ವ ಸು॒ಶಮಿ॑ ಶಮೀಷ್ವ॒ ಹವಿ॑ಷ್ಕೃ॒ದೇಹಿ॑॥೪॥೨೩॥

ಕು॒ಕ್ಕು॒ಟೋ॑ಽಸಿ॒ ಮಧು॑ಜಿಹ್ವ॒ ಇಷ॒ಮೂರ್ಜ॒ಮಾವ॑ದ।
ವ॒ಯಸಂ॑ಘಾ॒ತೇ ಸಂ॑ಘಾತೇ ಜೇಷ್ಮ॥೫॥ ೨೪

ವ॒ರ್ಷವೃ॑ದ್ಧಮಸಿ॒ ಪ್ರತಿ॑ ತ್ವಾ ವ॒ರ್ಷವೃ॑ದ್ಧಂ ವೇತ್ತು ।
ಪರಾ॑ಪೂತ॒ರಕ್ಷಃ॒ ಪ್ರತಿ॑ಪೂತಾ॒ ಅರಾ॑ತಯಃ॥೬॥ ೨೫

ಅಪ॑ಹತ॒ꣳ ರಕ್ಷೋ॑ ವಾ॒ಯುರ್ವೋ॒ ವಿವಿ॑ನಕ್ತು।
ದೇ॒ವೋ ವಃ॑ ಸವಿ॒ತಾ ಪ್ರತಿ॑ಗೃಹ್ಣಾತು॒ ಹಿರ॑ಣ್ಯಪಾಣಿ॒ರಛಿ॑ದ್ರೇಣ ಪಾ॒ಣಿನಾ॑॥೭॥(೫) ೨೬

ಧೃಷ್ಟಿ॑ರ॒ಸ್ಯಪಾ॑ಗ್ನೇ ಅ॒ಗ್ನಿಮಾ॒ಮಾದಂ॑ ಜಹಿ॒।
ನಿಷ್ಕ್ರ॒ವ್ಯಾದ॑ ಸೇ॒ಧಾ ದೇ॑ವ॒ಯಜಂ॑ ವಹ॥೧॥ ೨೭

ಧ್ರು॒ವಮ॑ಸಿ ಪೃಥಿ॒ವೀಂ ದೃ॑ಹ ॥
ಬ್ರ॒ಹ್ಮ॒ವನಿ॑ ತ್ವಾ ಕ್ಷತ್ರ॒ವನಿ॑ ಸಜಾತ॒ವನ್ಯುಪ॑ದಧಾಮಿ ದ್ವಿಷ॒ತೋ ವ॒ಧಾಯ॑॥೨॥ ೨೮

ಅಗ್ನೇ॒ ಬ್ರಹ್ಮ॑ ಗೃಭ್ಣೀಷ್ವ ಧ॒ರುಣ॑ಮಸ್ಯ॒ನ್ತರಿ॑ಕ್ಷಂ ದೃಹ।
ಬ್ರ॒ಹ್ಮ॒ವನಿ॑ ತ್ವಾ ಕ್ಷತ್ರ॒ವನಿ॑ ಸಜಾತ॒ವನ್ಯುಪ॑ದಧಾಮಿ ದ್ವಿಷ॒ತೋ ವ॒ಧಾಯ॑।
ಧ॒ರ್ತ್ರಮ॑ಸಿ॒ ದಿವಂ॑ ದೃಹ।
ಬ್ರ॒ಹ್ಮ॒ವನಿ॑ ತ್ವಾ ಕ್ಷತ್ರ॒ವನಿ॑ ಸಜಾತ॒ವನ್ಯುಪ॑ದಧಾಮಿ ದ್ವಿಷ॒ತೋ ವ॒ಧಾಯ॑॥೩೨॥೯॥

ವಿಶ್ವಾ॑ಭ್ಯ॒ಸ್ತ್ವಾಶಾ॑ಭ್ಯ॒ ಉಪ॑ದಧಾಮಿ ದ್ವಿಷ॒ತೋ ವ॒ಧಾಯ॑।
ಚಿತ॑ ಸ್ಥೋರ್ಧ್ವ॒ಚಿತೋ॒ ಭೃಗೂ॑ಣಾ॒ಮಙ್ಗಿ॑ರಸಾಂ॒ ತಪ॑ಸಾ ತಪ್ಯಧ್ವಮ್॥೪॥(೬) ೩೦

ಶರ್ಮಾ॒ಸ್ಯವ॑ಧೂತ॒ ರಕ್ಷೋಽವ॑ಧೂತಾ॒ ಅರಾ॑ತಯಃ ।
ಅದಿ॑ತ್ಯಾ॒ಸ್ತ್ವಗ॑ಸಿ॒ ಪ್ರತಿ॒ ತ್ವಾದಿ॑ತಿರ್ವೇತ್ತು॥೧೩॥೧

ಧಿ॒ಷಣಾ॑ಸಿ ಪರ್ವ॒ತೀ ಪ್ರತಿ॒ ತ್ವಾದಿ॑ತ್ಯಾ॒ಸ್ತ್ವಗ್ವೇ॑ತ್ತು ।
ದಿ॒ವಸ್ಕ॑ಮ್ಭ॒ನ್ಯ॑ಸಿ ಧಿ॒ಷಣಾ॑ಸಿ ಪಾರ್ವತೇ॒ಯೀ ಪ್ರತಿ॑ ತ್ವಾ ಪರ್ವ॒ತೀ ವೇ॑ತ್ತು॥೨೩॥೨(೩೨)

ಧಾ॒ನ್ಯ॑ಮಸಿ ಧಿನು॒ಹಿ ದೇ॒ವಾಂ ಧಿ॑ನು॒ಹಿ ಯ॒ಜ್ಞಂ ಧಿ॑ನು॒ಹಿ ಯ॒ಜ್ಞಪ॑ತಿಮ್।
ಧಿ॒ನು॒ಹಿ ಮಾँ ಯ॑ಜ್ಞ॒ನ್ಯ॑ಮ್॥೩॥ ೩೩

ಪ್ರಾ॒ಣಾಯ॑ ತ್ವೋದಾ॒ನಾಯ॑ ತ್ವಾ ವ್ಯಾ॒ನಾಯ॑ ತ್ವಾ ।
ದೀ॒ರ್ಘಾಮನು॒ ಪ್ರಸಿ॑ತಿ॒ಮಾಯು॑ಷೇ ಧಾಂ।
ದೇ॒ವೋ ವಃ॑ ಸವಿ॒ತಾ ಪ್ರತಿ॑ಗೃಹ್ಣಾತು॒ ಹಿರ॑ಣ್ಯಪಾಣಿ॒ರಛಿ॑ದ್ರೇಣ ಪಾ॒ಣಿನಾ॑ ।
ಚಕ್ಷು॑ಷೇ ತ್ವಾ ಮ॒ಹೀನಾಂ॒ ಪಯೋ॑ಸಿ ॥೪॥೩೪॥

ವೇ॒ದೋ॑ಸಿ ವೇದ॒ ಯೇನ॒ ತ್ವಂ ದೇ॑ವ ವೇದ ದೇ॒ವೇಭ್ಯೋ॑ ವೇ॒ದೋಽಭ॑ವಃ।
ತೇನ॒ ಮಹ್ಯಂ॑ ವೇ॒ದೋ ಭ॑ವ॥೫॥(೭) ೩೫

ದೇ॒ವಸ್ಯ॑ ತ್ವಾ ಸವಿ॒ತುಃ ಪ್ರ॑ಸ॒ವೇ॒ಶ್ವಿನೋ॑ರ್ಬಾ॒ಹುಭ್ಯಾಂ॑ ಪೂ॒ಷ್ಣೋ ಹಸ್ತಾ॑ಭ್ಯಾಮ್ ।
ಸಂ ವ॑ಪಾಮಿ॒ ಸಮಾಪ॒ ಓಷ॑ಧೀಭಿಃ॒ ಸಮೋಷ॑ಧಯೋ॒ ರಸೇ॑ನ ।
ಸꣳ ರೇ॒ವತೀ॒ರ್ಜಗ॑ತೀಭಿಃ॒ ಸಂ ಮಧು॑ಮತೀ॒ರ್ಮಧು॑ಮತೀಭಿಃ ಪೃಚ್ಯನ್ತಾಮ್ ।
ಜನ॑ಯತ್ಯೈ ತ್ವಾ॒ ಸಂ ಯೌ॑ಮಿ ॥೧೩॥೬॥

ಇ॒ದಮ॒ಗ್ನೇರಿ॒ದಮ॒ಗ್ನೀಷೋಮ॑ಯೋರಿ॒ಷೇ ತ್ವಾ॑ ।
ಘ॒ರ್ಮೋ॑ಸಿ ವಿ॒ಶ್ವಾಯು॑ರು॒ರುಪ್ರ॑ಥಾ ಉ॒ರು ಪ್ರ॑ಥಸ್ವೋ॒ರು ತೇ॑ ಯ॒ಜ್ಞಪ॑ತಿಃ ಪ್ರಥತಾಮ್ ॥೨೩॥೭॥

ಅ॒ಗ್ನಿಷ್ಟೇ॒ ತ್ವಚಂ॒ ಮಾ ಹಿ॑ ಸೀದ॒ನ್ತರಿ॑ತ॒ ರಕ್ಷೋ॒ನ್ತರಿ॑ತಾ॒ ಅರಾ॑ತಯಃ।
ದೇ॒ವಸ್ತ್ವಾ॑ ಸವಿ॒ತಾ ಶ್ರ॑ಪಯತು॒ ವರ್ಷಿ॒ಷ್ಠೇಽಧಿ॒ ನಾಕೇ॑ ॥೩೩॥॥೮॥

ಮಾ ಭೇ॒ರ್ಮಾ ಸಂ ವಿ॑ಕ್ಥಾ॒ ಅತ॑ಮೇರುರ್ಯ॒ಜ್ಞೋಽತ॑ಮೇರು॒ರ್ಯಜ॑ಮಾನಸ್ಯ ಪ್ರ॒ಜಾ ಭೂ॑ಯಾತ್ ।
ತ್ರಿ॒ತಾಯ॑ ತ್ವಾ ದ್ವಿ॒ತಾಯ॑ ತ್ವೈಕ॒ತಾಯ॑ ತ್ವಾ ॥೪॥(೮) ೩೯

ದೇ॒ವಸ್ಯ॑ ತ್ವಾ ಸವಿ॒ತುಃ ಪ್ರ॑ಸ॒ವೇ॒ಶ್ವಿನೋ॑ರ್ಬಾ॒ಹುಭ್ಯಾಂ॑ ಪೂ॒ಷ್ಣೋ ಹಸ್ತಾ॑ಭ್ಯಾಮ್ ।
ಆದ॑ದೇಽಧ್ವರ॒ಕೃತಂ॑ ದೇ॒ವೇಭ್ಯಃ॑ ।
ಇನ್ದ್ರ॑ಸ್ಯ ಬಾ॒ಹುರ॑ಸಿ॒ ದಕ್ಷಿ॑ಣಃ ಸ॒ಹಸ್ರ॑ಭೃಷ್ಟಿಃ ಶ॒ತತೇ॑ಜಾಃ।
ವಾ॒ಯುರ॑ಸಿ ತಿ॒ಗ್ಮತೇ॑ಜಾ ದ್ವಿಷ॒ತೋ ವ॒ಧಃ ॥೧॥ ೪೦

ಪೃ॒ಥಿ॒ವ್ಯೈ ವರ್ಮಾ॑ಸಿ॒ ಪೃಥಿ॑ವಿ ದೇವಯಜನಿ।
ಓಷ॑ಧ್ಯಾಸ್ತೇ॒ ಮೂಲಂ॒ ಮಾ ಹಿ॑ꣳ ಸಿಷಮ್ ॥೨೪॥೧

ವ್ರ॒ಜಂ ಗ॑ಚ್ಛ ಗೋ॒ಷ್ಠಾನಂ॒ ವರ್ಷ॑ತು ತೇ॒ ದ್ಯೌರ್ಬ॑ಧಾ॒ನ ದೇ॑ವ ಸವಿತಃ ಪರ॒ಮಸ್ಯಾಂ॑ ಪೃಥಿ॒ವ್ಯಾꣳ ಶ॒ತೇನ॒ ಪಾಶೈಃ॑।
ಯೋ॒ಽಸ್ಮಾನ್ ದ್ವೇಷ್ಟಿ॒ ಯಂ ಚ॑ ವ॒ಯಂ ದ್ವಿ॒ಷ್ಮಸ್ತಮತೋ॒ ಮಾ ಮೌ॑ಕ್ ॥೩೪॥೨

ಅಪಾ॒ರರುಂ॑ ವಧ್ಯಾಸಂ ಪೃಥಿ॒ವ್ಯೈ ದೇ॑ವ॒ಯಜ॑ನಾತ್।
ವ್ರ॒ಜಂ ಗ॑ಛ ಗೋ॒ಷ್ಠಾನಂ॒ ವರ್ಷ॑ತು ತೇ॒ ದ್ಯೌರ್ಬ॑ಧಾ॒ನ ದೇ॑ವ ಸವಿತಃ ಪರ॒ಮಸ್ಯಾಂ॑ ಪೃಥಿ॒ವ್ಯಾ ಶ॒ತೇನ॒ ಪಾಶೈಃ॑।
ಯೋ॒ಽಸ್ಮಾನ್ ದ್ವೇಷ್ಟಿ॒ ಯಂ ಚ॑ ವ॒ಯಂ ದ್ವಿ॒ಷ್ಮಸ್ತಮತೋ॒ ಮಾ ಮೌ॑ಕ್ ।
ಅರ॑ರೋ॒ ದಿವಂ॒ ಮಾ ಪ॑ಪ್ತೋ ದ್ರ॒ಪ್ಸಸ್ತೇ॒ ದ್ಯಾಂ ಮಾ ಸ್ಕ॑ನ್ ।
ವ್ರ॒ಜಂ ಗ॑ಛ ಗೋ॒ಷ್ಠಾನಂ॑ ವರ್ಷ॑ತು ತೇ॒ ದ್ಯೌರ್ಬ॑ಧಾ॒ನ ದೇ॑ವ ಸವಿತಃ ಪರ॒ಮಸ್ಯಾಂ॑ ಪೃಥಿ॒ವ್ಯಾ ಶ॒ತೇನ॒ ಪಾಶೈಃ॑।
ಯೋ॒ಽಸ್ಮಾನ್ ದ್ವೇಷ್ಟಿ॒ ಯಂ ಚ॑ ವ॒ಯಂ ದ್ವಿ॒ಷ್ಮಸ್ತಮತೋ॒ ಮಾ ಮೌ॑ಕ್ ॥೪॥ ೪೩

ಗಾ॒ಯ॒ತ್ರೇಣ॑ ತ್ವಾ॒ ಛನ್ದ॑ಸಾ॒ ಪರಿ॑ಗೃಹ್ಣಾಮಿ॒ ತ್ರೈಷ್ಟು॑ಭೇನ ತ್ವಾ॒ ಛನ್ದ॑ಸಾ॒ ಪರಿ॑ಗೃಹ್ಣಾಮಿ॒ ಜಾಗ॑ತೇನ ತ್ವಾ॒ ಛನ್ದ॑ಸಾ॒ ಪರಿ॑ಗೃಹ್ಣಾಮಿ ।
ಸು॒ಕ್ಷ್ಮಾ ಚಾಸಿ॑ ಶಿ॒ವಾ ಚಾ॑ಸಿ ಸ್ಯೋ॒ನಾ ಚಾಸಿ॑ ಸು॒ಷದಾ॑ ಚಾಸಿ ।
ಊರ್ಜ॑ಸ್ವತೀ॒ ಚಾಸಿ॒ ಪಯ॑ಸ್ವತೀ ಚ ॥೫॥೪॥೪

ಪು॒ರಾ ಕ್ರೂ॒ರಸ್ಯ॑ ವಿ॒ಸೃಪೋ॑ ವಿರಪ್ಶಿನ್ನುದಾ॒ದಾಯ॑ ಪೃಥಿ॒ವೀಂ ಜೀ॒ವದಾ॑ನುಮ್ ।
ಯಾಮೈರ॑ಯ ಶ್ಚ॒ನ್ದ್ರಮ॑ಸಿ ಸ್ವ॒ಧಾಭಿ॒ಸ್ತಾಂ ಧೀರಾ॑ಸೋ ಅನು॒ದಿಶ್ಯ॑ ಯಜನ್ತೇ ।
ದ್ವಿ॒ಷ॒ತೋ ವ॒ಧೋ॑ಽಸಿ॥೬॥(೯)೪೫(೪೫)

ಪ್ರತ್ಯು॑ಷ್ಟ॒ꣳ ರಕ್ಷಃ॒ ಪ್ರತ್ಯು॑ಷ್ಟಾ॒ ಅರಾ॑ತಯೋ॒ ನಿಷ್ಟ॑ಪ್ತ॒ ರಕ್ಷೋ॒ ನಿಷ್ಟ॑ಪ್ತಾ॒ ಅರಾ॑ತಯಃ ।
ಅನಿ॑ಶಿತೋಽಸಿ ಸಪತ್ನ॒ಕ್ಷಿದ್ವಾ॒ಜಿನಂ॑ ತ್ವಾ ವಾಜೇ॒ಧ್ಯಾಯೈ॒ ಸಮ್ಮಾ॑ರ್ಜ್ಮಿ ।
ಪ್ರತ್ಯು॑ಷ್ಟ॒ꣳ ರಕ್ಷಃ॒ ಪ್ರತ್ಯು॑ಷ್ಟಾ॒ ಅರಾ॑ತಯೋ॒ ನಿಷ್ಟ॑ಪ್ತ॒ರಕ್ಷೋ॒ ನಿಷ್ಟ॑ಪ್ತಾ॒ ಅರಾ॑ತಯಃ ।
ಅನಿ॑ಶಿತಾಸಿ ಸಪತ್ನ॒ಕ್ಷಿದ್ವಾ॒ಜಿನೀಂ॑ ತ್ವಾ ವಾಜೇ॒ಧ್ಯಾಯೈ॒ ಸಮ್ಮಾ॑ರ್ಜ್ಮಿ ॥೧೪॥೬॥

ಅದಿ॑ತ್ಯೈ॒ ರಾಸ್ನಾ॑ಸೀನ್ದ್ರಾ॒ಣ್ಯೈ ಸಂ॒ನಹ॑ನಮ್ ।
ವಿಷ್ಣೋ॑ರ್ವೇ॒ಷ್ಪೋ॑ಽಸ್ಯೂ॒ರ್ಜೇ ತ್ವಾದ॑ಬ್ಧೇನ ತ್ವಾ॒ ಚಕ್ಷು॒ಷಾವ॑ಪಶ್ಯಾಮಿ॥೨೪॥೭॥

ಅ॒ಗ್ನೇರ್ಜಿ॒ಹ್ವಾಸಿ॑ ಸು॒ಭೂರ್ದೇ॒ವೇಭ್ಯಃ॑ ।
ಧಾಮ್ನೇ॑ ಧಾಮ್ನೇ ಭವ॒ ಯಜು॑ಷೇ ಯಜುಷೇ ।
ಸ॒ವಿ॒ತುಸ್ತ್ವಾ॑ ಪ್ರಸ॒ವ ಉತ್ಪು॑ನಾ॒ಮ್ಯಚ್ಛಿ॑ದ್ರೇಣ ಪ॒ವಿತ್ರೇ॑ಣ॒ ಸೂರ್ಯ॑ಸ್ಯ ರ॒ಶ್ಮಿಭಿಃ॑ ।
ಸ॒ವಿ॒ತುರ್ವಃ॑ ಪ್ರಸ॒ವ ಉತ್ಪು॑ನಾ॒ಮ್ಯಚ್ಛಿ॑ದ್ರೇಣ ಪ॒ವಿತ್ರೇ॑ಣ॒ ಸೂರ್ಯ॑ಸ್ಯ ರ॒ಶ್ಮಿಭಿಃ॑ ॥೩೪॥೮॥

ತೇಜೋ॑ಽಸಿ ಶು॒ಕ್ರಮ॑ಸ್ಯ॒ಮೃತ॑ಮಸಿ॒ ಧಾಮ॒ ನಾಮಾ॑ಸಿ।
ಪ್ರಿ॒ಯಂ ದೇ॒ವಾನಾ॒ಮನಾ॑ಧೃಷ್ಟಂ ದೇವ॒ಯಜ॑ನಮ್॥೪॥೪॥೯॥
ಯಸ್ತೇ॑ ಪ್ರಾ॒ಣಃ ಪ॒ಶುಷು॒ ಪ್ರವಿ॑ಷ್ಟೋ ದೇ॒ವಾನಾಂ॑ ವಿ॒ಷ್ಠಾಮನು॒ ಯೋ ವಿ॑ತಸ್ಥೇ।
ಆ॒ತ್ಮ॒ನ್ವಾ॑ನ್ತ್ಸೋ॑ಮಘೃ॒ತವಾ॒ನ್ಹಿ ಭೂ॒ತ್ವಾಗ್ನಿಂ ಗ॑ಚ್ಛ॒ ಸ್ವ॒ರ್ಯಜ॑ಮಾನಾಯ ವಿನ್ದ॥೫॥(೧೦)೫೦

॥ಇತಿ ಶುಕ್ಲಯಜುಃ ಕಾಣ್ವಸಂಹಿತಾಯಾಂ ಪ್ರಥಮೋಽಧ್ಯಾಯಃ॥ ೧॥